2008年11月01日 星期六
依家凌晨三點幾,夜晚晚,我搞緊咩,知唔係又無無聊聊訓唔著
聽緊一首歌叫Gloomy Sunday(憂鬱的星期天).無啦啦又點解會聽首歌?
話說早幾日我又發神經亂買vcd,買左套布達佩斯之戀.套野都幾好睇,幾有意思,女主角又索,不過呢d唔係重點.
重點係套野講到三十年代,有個匈牙利猶太佬一首歌叫Gloomy Sunday,首歌響遍國際,不過就好多人聽完走鬼左去自殺.
之後上網找首歌既背景,原來故事係真既,仲好似真係幾恐怖咁.我基於死唔切既心態,down左黎聽.
撞鬼,聽緊既時間,又諗起d傷心回億,仲走去睇d我次次睇完就想死既野.
邊睇邊聽,死唔去,又係咁. 不過今次又有d唔同,平時一諗起d傷心野,個心就好似比個天花板壓住,成個人超辛苦一輪,好似落左無間地獄咁
但係今次有首歌係度贈慶,聽完個人反而舒服左,見我難得咁好心機寫blog就知
我個人就係咁,成日都~逆其道而行,能人所不能(-.-)
好多次想自殺,次次都肴底.今次聽住首死人歌,反而唔想死.
又諗返起次次死唔去係因為我明白活著受苦,仲好過死左咩都冇,苦也是種感覺,生存既證明,死左,苦都冇得你受,永遠消失,諗起都得人驚.
即使我已失去最珍惜的,但活著也許能再次,再次.......... 雖說可一不可再,反正唔再都再左,再多幾次又有咩所謂呢.
(聽住先啦)>_<
沒有留言:
張貼留言